നിദ്ര,
നിറവയറൊഴിഞ്ഞ നിരാലംബ പോല -
പരശതം കാതങ്ങൾക്കപ്പുറെ നിന്ന് -
ചേക്കേറാനൊരു കൂട് തേടി -
അഭിനവ രാമന്മാരുടെ -
കോട്ട കൊത്തളങ്ങൾ കടന്നു -
എന്റെ ശയ്യാഗൃഹത്തിലേക്ക്...
പാതി മയങ്ങിയൊരെൻ ഇമകളിലൊരു -
തീർത്ഥാടനത്തിന്റെ ശാന്തി..
നിദ്ര,
നിറങ്ങൾ മങ്ങിയ ജീവിതത്തോണിയിൽ-
മഴവില്ലിനൊരു കൂടാരം കെട്ടി -
വെണ്മേഘത്തെ പാറാവു നിർത്തി -
നിലാവ്കൊണ്ടൊരു മേലാപ്പു ചുറ്റി -
എല്ലാം മറന്നൊരു മയക്കം..
No comments:
Post a Comment